{"id":61509,"date":"2023-06-27T10:14:54","date_gmt":"2023-06-27T10:14:54","guid":{"rendered":"https:\/\/www.aita-menni.org\/?p=61509"},"modified":"2023-06-27T10:14:01","modified_gmt":"2023-06-27T10:14:01","slug":"arreta-psikiatrikoaren-orainari-eta-etorkizunari-buruzko-jardunaldia","status":"publish","type":"post","link":"https:\/\/ospitalarioakfundazioaeuskadi.org\/eu\/arreta-psikiatrikoaren-orainari-eta-etorkizunari-buruzko-jardunaldia\/","title":{"rendered":"Arreta psikiatrikoaren orainari eta etorkizunari buruzko jardunaldia"},"content":{"rendered":"

1898ko ekainean, Benito Menni<\/strong> San Joan Jainkoarenaren ordenako anaiak eta Jesusen Bihotzeko Ahizpa Ospitalarioetako<\/a> erlijioso talde batek Euskadiko laguntza psikiatrikoko lehen zentroa ireki zuten, Arrasateko Santa Ageda bainuetxean. 125 urte igaro dira orain Aita Menni Ospitale<\/a> eta San Joan Jainkoarena Ospitale gisa ezagutzen ditugunak ireki zirenetik, eta bi erakunde horiek erreferente izaten jarraitzen dute osasun mentalaren esparruan.<\/p>\n

Horregatik, mende eta laurdeneko ibilbide hori ospatzeko programan, ezin zen topaketa zientifiko bat falta arreta psikiatrikoaren iraganari eta orainari sakon heltzeko. Jardunaldia Donostiako Aquariumean egin zen, hilaren 23an, eta Manuel Mart\u00edn Carrasco<\/strong><\/a> doktorea izan da koordinatzailea, Aita Menni Ospitaleko zuzendari mediko eta Espainiako Psikiatria Elkarteko lehendakaria.<\/p>\n

Ibilbide luzea<\/h2>\n

Anfitrioi gisa, Jose Ignacio Espelek<\/strong> ongietorri hitzak esan zituen eta Aquariumari egindako eskaintza errepikatu zuen, horrelako ekitaldiak antolatzeko, izan ere, erakunde hori ere laguntzeko sortu zen \u2013kasu horretan, arrantzaleen familiei\u2013, eta gure bezain zaharra da ia (1908an sortu zen). Gipuzkoako San Joan Jainkoarena ospitaleetako zuzendari Elena Urdanetak<\/strong> eskerrak eman zizkien bertaratutakoei, horien artean zeudelarik Juan Manuel Sanzo<\/strong>, Gipuzkoako Osasun Lurraldeko ordezkaria eta I\u00f1aki Carrera<\/strong> Lurralde Ordezkaritza horretako Osasun Plangintza eta Ebaluazioko arduraduna, Aita Menniren eta San Joan Jainkoarenaren zuzendaritza kontseiluetako eta komunitate erlijiosoetako kideez gain.<\/p>\n

Aita Menniko zuzendari gerente Mikel Tellaechek<\/strong> azpimarratu zuen ibilbide luze horretan bi ospitaleek aurrera egin dutela pertsonen beharrei erantzunez eta erakundeekin etengabeko lankidetzan. Halaber, Vicente Zaragueta<\/strong><\/a>\u00a0eta\u00a0Juan Carlos Irizar<\/strong><\/a> zirenak ere gogoan izan zituen, beste batzuetan Aquariumean egindako ekitaldietan lagundu baitziguten.<\/p>\n

Arreta psikiatrikoaren bilakaera<\/h2>\n

Lehen mahai ingurua hasi aurretik, \u201cluxuzko mahai bat, nola iritsi garen hona eta noraino irits gaitezkeen erakusten saiatzeko\u201d \u2013esan zuen \u00c1lvaro Iruin<\/strong> moderatzaileak\u2013, Gipuzkoako Osasun Mentaleko Sareko zuzendariak Aita Menni eta San Joan Jainkoarena zoriondu nahi izan zituen topaketa hauengatik.<\/p>\n

\u2018Arreta psikiatrikoaren izaera medikoa, osasun mentalarekin liskarrean?\u2019 izan zen mahai horretako lehen hitzaldiaren izenburua, \u2018Arreta psikiatrikoaren bilakaeraren\u2019 gaiari buruz. Guillermo Lahera<\/strong> doktoreak, Alcala de Henaresko Unibertsitateko Psikiatria irakasleak, garunari eta gogamenari buruz hitz egin zuen, eta, esan zuenez, horien izaera \u201cez da biologikoa ezta soziala ere, kontrakoa baizik\u201d. Mario Bungeren<\/strong> ereduarekin bat egin zuen, zeinak gogamena garunetik sortzen den sistema bat dela aldarrikatzen baitu, garuna gogamena dela dioen erredukzionismoaren aurrean. Garunaren morfologiaren eta inguruan gertatzen denaren arteko integrazioa banaezina da (biologikoaren eta sozialaren artekoa). Horrenbestez, baztertu egin zituen garunaren biologizismo sinplea \u2013sintomak desoreka biokimikoengatik sortzen direla dio\u2013, eta arlo mentalean oinarritutako psikologismoa ere \u2013lausoa da, eta ez ditu beste diziplina batzuk kontuan hartzen\u2013. Eskizofrenia, autismoa edo nahasmendu bipolarra duten pertsonen garunaren egituran desberdintasun batzuk egon arren, \u201cdagoeneko inork ez du determinismo genetikoa defendatzen\u201d, adierazi zuen.<\/p>\n

Garuna programazio genetikoaren eta harreman eta esperientzien arabera hazten edo garatzen da. Egokitzen den organo sozial bat da, besteekiko interakzioek sustatzen dutena. \u201cKontzientzia (gogamenaren egoera) = pertzepzioaren sinkronizazioa + elkarketa + integrazioa\u201d, laburbildu zuen, eta \u201calderdi psikosozialak kontuan hartzeak ez zaitu mediku eskasagoa egiten\u201d, gehitu zuen. Bere iritziz, nahasmendu psikiatrikoak \u201ceragin txikiko gene askoren eta hainbat ingurumen faktoreren ekintza konbinatuaren emaitza izan ohi dira\u201d, eta bi esku hartze osagarri daude: farmakologikoa eta psikoterapia. \u201cPsikoterapiak psikiatriaren funtsezko parte izan behar du\u201d, nahiz eta \u201cbakarrik funtzionatzen duen neuroplastikotasuna badago\u201d, hau da, \u201cpazienteak intersubjektibotasunez beste errelatu bat eraikitzen laguntzen badu\u201d. Psikiatria komunitarioa bezalako aurrerapenak ez lirateke posible tratamendu farmakologikorik gabe, amaitu zuen irakasleak.<\/p>\n