Ospitalarioak Fundazioa Euskadi (lehen Aita Menni)
Salud mental | Personas mayores | Daño cerebral | Discapacidad intelectual
Aita Menni Ahizpa Ospitalarioen Kalte Zerebraleko Menni Sareko zuzendari eta psikiatra Jose Ignacio Quemada doktoreak hitzaldia eman zuen, Bizkaiko Medikuen Elkargoan, memoriari, horren nahasmenduei eta horiei aurre egiteko moduari buruz.
“Informaciones Psiquiátricas” aldizkariak Malagan egin berri dituen VIII. Jardunaldietan, Aita Menni Ahizpa Ospitalarioen Fisioterapia Arloko arduradun Iban Arrienek nabarmendu zuen iktus osteko errehabilitazio fisikoaren helburuak espezifikoak, errealak eta lorgarriak izan behar direla, eta paziente bakoitzaren behar indibidualak kontuan hartuta zehaztu behar direla beti.
Aita Menni Ahizpa Ospitalarioen erakundeak akordio bat du Deustuko Unibertsitatearekin (DU), gure erakundeko profesionalen lankidetza jasotzen duena psikologia klinikoko masterra emateko, graduondoko horretan praktika klinikoa nabarmentzen delarik. Aldizka, DU-k balorazio bilerak deitzen ditu, praktikak nola garatzen ari diren aztertzeko.
Nerea Meabek, Aita Menni Ahizpa Ospitalarioen Neurorrehabilitazioko fisioterapeuta espezialistak, garuneko paralisia eta antzeko patologiak dituzten haurren errehabilitazioan atlas 2030 exoeskeletoarekin egiten ari garen ikerketaren emaitzak aurkeztu zituen, ‘Errehabilitazioko berrikuntza teknologikoei buruzko jardunaldiak: robotika osasunaren zerbitzura’ izeneko jardunaldietan, Murtzian.
Oihana Ramos logopeda eta psikologoak ume-umetatik elikadura segurua, osasungarria eta egokia sustatzeko beharrezko ezagutzak eta tresnak eskaini zizkien errehabilitazio prozesuan dauden haurren familiei, Aita Menni Ahizpa Ospitalarioen Neurorrehabilitazio Zentroan, Bilbon.
Nahasmendu bipolarrari buruz Cibersam zentroak (Ciber de Salud Mental) egin duen ikerketa bat da, zeinean Fidmag – Ahizpa Ospitalarioetako Edith Pomarol-Clotet doktoreak gidatutako taldeak parte hartu duen. Azterlanak DDR1 genearen alterazio epigenetikoa identifikatu du nahasmendu bipolarraren aurkako tratamenduak hobetzeko markagailu posible gisa.
Aita Menni Ahizpa Ospitalarioen psikologiako eta neuropsikologiako profesionalek eskolak ematen jarraitzen dute Deustuko Unibertsitateko Osasun Psikologia Orokorreko + Neuropsikologia Klinikoko Masterrean. Ainhoa Espinosa de Luzarraga neuropsikologoak hartutako kalte zerebrala izan duten helduen nahasmenduen errehabilitazio kognitiboari lotutako ikasgaiak ematen ditu.
“Pertsonarengan oinarritutako arreta eredua” kontuan hartuta, gure neuropsikologoak artikulu honetan edozein ingurune klinikotan jokabide-aldaketa bat egin aurretik kontuan izan behar diren kontzeptuak berrikusten ditu, bereziki, “noiz” eta “nola” aldatu behar den portaera, jokabide bat dagoenean zeinak erasandako pertsonaren bizi kalitateari berari zein ingurukoei eragiten dien.
Aita Menni Ospitaleko Desgaitasun Intelektualeko Unitateko talde asistentzialeko profesionalek telematikoki parte hartu zuten jardunaldietan, eta hainbat esparrutako esperientziak entzuteko aukera izan zuten, horien artean enplegua, hezkuntza, komunitateko presentzia, pertsona bakoitzaren beharretara egokitutako etxebizitzak laguntza mailaren arabera, etab.