Aita Menni eta Biolan lankidetzan ari dira, AA bidez iktus osteko neuroerrehabilitazio prozesuak hobetzeko

Asier Albizu (izda.), director general de Biolan y Mikel Tellaeche, director gerente de Ospitalarioak Fundazioa Euskadi.

Aita Mennik eta Biolanek akordio bat lortu dute iktus osteko pazienteentzako neuroerrehabilitazio sistema bat garatzeko, tratamenduaren pertsonalizazio maila areagotzea ahalbidetuko duena, zehatzagoa eta moldagarriagoa izan dadin, pazienteen mendekotasuna murrizteko eta haien bizi kalitatea hobetzeko. Hori guztia adimen artifizialeko ereduak aplikatzeari esker egin ahal izango da, hainbat iturri eta neurketa gailutatik lortutako datu fisiologiko, kliniko eta genetikoak tratamenduen emaitzekin korrelazioan jarriko dituztenak.

Iktusa desgaitasun arrazoi nagusietako bat da munduan, urtean 15 milioi kasu baino gehiagorekin, Osasunaren Mundu Erakundearen arabera (OME). Eusko Jaurlaritzaren datuek adierazten dutenez, 2023an Osakidetzak iktusak jotako 8.900 paziente inguru artatu zituen. Pazienteen heren batean gutxienez sekuelak larriak dira, eta eragin nabarmena dute ongizate fisiko, kognitibo eta psikologikoan.

Errekuperazioa, beraz, prozesu luzea, konplexua eta garestia da, eta, gaur egun, tratamendu neuroerrehabilitatzaileek ez dute big data eta machine learning teknologia berririk erabiltzen datu kliniko, funtzional eta biometrikoak aztertu ahal izateko, patroiak identifikatzea, emaitzak aurreikustea eta tratamenduak paziente bakoitzaren behar espezifikoetara egokitzea ahalbidetzeko.

Horregatik, ekimenaren esparruan, prozesu neuroerrehabilitatzailean teknologia adimendunak erabiliko dira, datu baliotsuak emango dituztenak, parametroak monitorizatzeko, pazientearen bilakaera aurreikusteko eta, horrela, tratamenduak dinamikoki doitzeko gai diren ereduak sortzeko.

Aita Mennitik, lankidetzaren buru Manuel Murie doktorea izango da, Ospitalarioak Fundazioko zuzendari mediko, neurologo ospetsu eta neuroerrehabilitazioaren ikertzaile aditua, eta Biolanen aldetik, berriz, Idoia Mugarza, Biolaneko software eta sistemen arloko zuzendaria eta osasun sektorean AAren aplikazioen garapenean aditua, datuen analisian ibilbide profesional sendoa duena