Karakterizazioak, mural kolaboratiboak eta batukada Emakumearen Nazioarteko Eguna dela eta
Ospitalarioak Fundazioak Emakumearen Nazioarteko Eguna oroitu du, emakumeen eta gizonen arteko eskubide berdintasuna aldarrikatzeko eta egungo egoeraz hausnartzeko jardueraz betetako programazio berezi batekin. Nazio Batuen Erakundearen aurtengo leloak, Emakume eta neskentzat, aniztasun OSOAN: Eskubideak. Berdintasuna Ahalduntzea”, emakume guztientzako eskubide, botere eta aukera berdintasuna areagotzea erreibindikatzen du, “etorkizun feminista batean, non inor ez den atzean utziko”. Ideia horien inguruan, pazienteen, profesionalen eta senideen partaidetza azpimarragarria izan da aurten ere M8aren astean, sormenez, musikaz eta konpromisoz beteta.
Aita Menni Ospitalean
Programa martxoaren 6an hasi zen: Orioko Batukada Feministaren erritmoek eta energiak hartu zuten ospitalea. Gesalibarrera hurbildu ziren 22 perkusionisten danborrek indarrez eta aldarrikapenez bete zituzten korridore eta espazio komunak, 75 pertsona elkartu zituen emanaldian.
Martxoaren 8an, asteko egun nagusian, pazienteek eta langileek berdintasunaren aldeko ahotsa goratu zuten, «M8 honetan gurea da ahotsa» / «Este 8M la voz es nuestra» leloarekin sortu zituzten pankarta kolaboratiboekin. Aste osoan zehar, senideek, profesionalek eta pazienteek emandako mezuak jaso ziren harreran. Gogoeta horiek guztiak ospitaleko galerian erakutsi ziren hiru mural handitara eraman ziren, Vivir Quintanaren «Cancion sin miedo» entzuten zen bitartean. Ekitaldi hunkigarria izan zen, 35 parte hartzaile bildu zituena, berdintasunarekin dugun konpromisoaren testigantza bisuala utziz.
Martxoaren 11n, Julie Taymorrek zuzendutako Frida filma proiektatu zen ekitaldi aretoan, saio reki batean, 14:30etik 16:30era. Frida Kahlo mexikar pintore ospetsuaren bizitza eta Diego Rivera artistarekin izan zuen harreman jasanezina ikustea hausnartzen jarraitzeko beste aukera bat izan ziren.
Txurdinagabarri adineko pertsonen Egoitzan
Hain zuzen ere, Frida Kahlo erreferente eta ikur feminista izan zen Txurdinagabarri adinekoen egoitzako egoiliarrek beren burua ordezkatzeko aukeratu zuten emakumeetako bat, Bilbon. Historian garrantzitsuak izan diren beste zazpi emakume batzuk ere interpretatu ztiuzten gure emakume egoiliarrek, hala nola Madame Curie zientzialaria, ama Teresa Kalkutakoa, Margaret Thatcher lehen ministro ohia, Clara Campoamor idazlea, Amelia Earhart hegazkinlaria, Coco Chanel moda diseinatzailea edo Valentina Tereshkova astronauta, eta karakterizatuta posatu zuten erretratuetarako, ondoren muralean “jatorrizkoen” ondoan jartzeko,esapide honekin: “Adinak ez du emakume baten indarra definitzen; bere historiak, bai”.
Txurdinagabarrin batukada eta martxa erreibindikatzailea ere izan ziren, beheko solairua zeharkatuz, eta hirugarren solairuan, egoiliarrek mural bat egin zuten beren bizitzako istorioak eta harroen sentiarazten dituzten lorpenak islatzeko.
Historia, musika eta erreibindikazioaz gain, Egoitzak poesiarako gune bat ere gorde zuen laugarren solairuan, eta gure egoiliar Rafa Cuesta poeta beteranoak oso errezitaldi berezia eman zigun eta solairuko kide bakoitzari poema bat oparitu zion.
Emakume bereziki kalteberen aurkako indarkeria
Bereziki kalteberak diren emakumeen aurkako indarkeria lehentasunez jorratu beharreko gaia da. Hori dela eta, Emakumearen Nazioarteko Egunaren inguruko jarduerak aste honetan ixteko, Ospitalarioak Fundazioak jardunaldi bat antolatu du, “Emakume bereziki kalteberen aurkako indarkeria. Errealitatea eta lanketa. Indarkeriarik gabeko bizitza baterantz, desberdintasunetik”.
Jardunaldia martxoaren 18an izango da, aurrez aurre zein online. Programan gizarte lan, psikologia, psikiatria, Estatuko Segurtasun Kidego eta Indarren eta desgaitasuna duten emakumeak ordezkatzen dituzten erakundeen arloko profesional ezagunek parte hartuko dute, eta hainbat emakume bereziki kalteberaren testigantza ere entzun ahal izango da. Izena emateko, formulario erraz hau bete besterik ez da egin behar.
