Ibarra Zentroa

Zentroak desgaitasun intelektuala duten autonomia maila desberdineko pertsonak artatzen ditu, %33ko edo gehiagoko desgaitasuna dutenak, eta Mendekotasun Baremoak mendekotasun egoeran dauden pertsona gisa baloratzen dituenak.

Zentroak laguntza indibidualizatua eta pertsonen behar aldakorretara egokitua bermatzen du, eta, horretarako, profil egokiak dituen diziplina anitzeko talde profesional baten laguntza du, ongizate fisiko, psikologiko eta sozialera bideratutako arreta emateko.

Plazak: 53 plaza (38 publiko eta 15 pribatu).

Helburuak

• Erabiltzaileen ongizate fisikoa eta emozionala hobetzea.
• Autonomia pertsonala mantentzea eta, ahal dela, garapena sustatzea eta narriadura saihestea.
• Eguneroko bizitzako jarduerak (EBJ) egiteko beharrezkoak diren zaintza eta laguntza pertsonala bermatzea.
• Garapen pertsonala eta gaitasun, trebetasun eta konpetentzia pertsonalak eta sozialak sustatzea.
• Bizitza pertsonaleko proiektuari zein eguneroko bizitzari buruz aukeratzeko eta erabakiak hartzeko aukerak eskaintzea.
• Familia eta gizarte sareak mantentzea eta indartzea sustatzea.