Historia, Click-etik ikusita
Azaroaren 14an, Bilboko Txurdinagabarri Egoitzako erabiltzaile talde batek oso irteera bitxia izan zuen: San Frantzisko Komentuko Aztarnategian antolatutako Playmobil “Click” erakusketa bisita zuen. Jarduera memoria estimulatzeko eta gozamen kulturala sustatzeko pentsatuta zegoen, eta erabiltzaileei aukera eman zien miniaturazko eszena historikoak berpizteko, plastikozko figuratxo ezagunak protagonista zirela.
Abenduaren 7ra arte zabalik dagoen erakusketak Click-Clack Elkartearen bildumako 3.000 pieza baino gehiago biltzen ditu, hainbat garaitan girotutako dioramekin: Egipto eta Erdi Arotik Mendebalde Urruneraino, edo XX. mendeko eszena kostunbristekin. Era berean, Bilbo hiriko eszenak ere jasotzen ditu, “Click” figurak protagonista direla.
Irteeran zentroko langileek lagundu zuten, ibilbidearen irisgarritasuna uneoro babestu zuten, eta oroitzapenak partekatzeko, hitz egiteko eta goiz ezberdin batez gozatzeko aukera bikaina izan zen.
Bilboko Txurdinagabarri Egoitza Ospitalarioak Fundazioa Euskadik kudeatzen du, Adineko Pertsonaren lerro asistentzialaren bidez.
