Marisa Merino, Ospitalarioak Fundazioa Euskadiko zuzendari gerente berria
Ospitalarioak Fundazioak Marisa Merino Hernández izendatu du Ospitalarioak Fundazioa Euskadiko (aurreko Aita Menni Ospitalea) zuzendari gerente berri.
Medikuntza eta Kirurgian lizentziaduna eta Cum Laude doktorea Nafarroako Unibertsitatean, hiru hamarkada baino gehiagoko ibilbidea du osasun arlo publikoan. Azken urteetan Tolosaldea eta Bidasoa ESIetako (Erakunde Sanitario Integratua) zuzendari gerente izan da.
Esperientzia handia du diziplina anitzeko profesionalekin talde lanean aritzen hainbat proiektu sanitario eta soziosanitario jorratu baititu horiekin. Gainera, asistentziaren kalitatea hobetzen aitzindariak diren proiektuetan parte hartu du, hala nola gaixo kroniko konplexuei buruzko CareWell Europako proiektuan, edo erretinopatia diabetikoaren baheketa automatikorako CRETA proiektuan.
Irakaskuntzarekin eta profesionalen prestakuntzarekin duen konpromisoa ere nabarmentzen da. Kudeaketa sanitarioari, osasun digitalari eta erakundeen eraldaketari buruzko master, ikastaro eta tailerretan irakasle izan da, bai estatuan bai nazioartean.
Gaur egun Signo Fundazioko lehendakaria da, eta bertan zerbitzu sanitarioetako kudeaketa, berrikuntza eta eraginkortasun proiektuetan lankidetza bidezko ekimenak bultzatzen ditu. Osasun Digitalaren Elkarteko lehendakariorde ere bada, eta Osasun Zuzendarien Espainiako Elkarteko (SEDISA) Euskadiko zuzendaritza batzordeko kide.
Marisa Merinok bat egiten du ospe handiko talde batekin, zentroan ibilbide luzea duena eta bere lanarekin oso konprometitua, Euskadiko arreta sanitario eta soziosanitarioan erreferente izatea lortu duena. Bere lidergoa lagungarria izango da erakundeak gure lurraldean duen misioa bultzatzeko, proiektu berriei ekiteko eta osasunaren eta arlo soziosanitarioaren egungo erronkei aurre egiteko.
