Musikaz eta pozez sartu gara urte berrian
Abenduaren 31n, asteartea, egoiliarrek, senideek eta Txurdinagabarri Egoitzako langileek musikaz, dantzaz eta desio onez betetako jai egun batekin ospatu zuten urte berriaren etorrera.
Ospakizuna goizean hasi zen, Arotza musikari eta abeslariak bisitatu gintuenean, eta aretora joan ziren guztiei energia kutsatu zien interpretatu zuen musika errepertorioarekin. Abestien erritmoan, egoiliarrek eta senideek une berezi batez gozatu zuten, barreak eta dantzak partekatuz.
Ospakizunaren puntu gorena eguerdiko 12etan izan zen, kopak eskuan genituela ohiko kanpai hotsak entzuteko elkartu ginenean. Txalo eta irribarre artean, urte berrirako topa egin genuen, osasuna, zoriontasuna eta oparotasuna opatuz.
Arotzaren laguntzari eta familien babes baldintzarik gabeari esker, urte berriaren sarrera benetako festa gisa bizi izan genuen, beste behin ere, maitasunez eta dedikazioz, egun bakoitza ospakizun berezi bihur daitekeela erakutsiz.
