Terrazaz terraza Durangon eta inguruetan

Udako eguraldi onak bultzatu egiten gaitu Barandiaran Egoitzan kalera irtetera. Hondartzara joateaz gain, gustuko daukagu Durango inguruan txango txikiak egitea.

Aukeratutako lekuetako bat Ereña izan ohi da, Berrizen, paisaia ederraz gozatu baitezakegu zerbait hartzen dugun bitartean. Goizean joaten gara, bazkalaurretik, eta oso tarte atsegina pasatzen dugu, konpainia onean.

Beste batzuetan, gurago izaten dugu ez mugitu, eta, beste barik, irten egiten gara Egoitza inguruko terrazaren batean zerbait hartzera. Edozelan ere, beti da atsegina!