Zaintza Eskola abiarazi dugu, zaintzaileentzako online plataforma

Gaurtik aurrera, adinekoak edo mendekotasun egoeran daudenak zaintzen dituzten pertsonak errazago arituko dira: Aita Menni Ospitalarioetako Gizarte Zerbitzuek Zaintza Eskola jarri dute abian, online plataforma berria, zaintzaileei laguntzeko, tresnak emateko eta, konfiantza eta poz handiagoz, hobeto zaintzen laguntzeko pentsatua.

Zaintza Eskola plataforma https://zaintzaeskola.aitamenni.org web helbidean dago eskuragarri, eta formazio praktikoa, laguntza teknikoa eta hobeto zaintzeko eta zaintzeko orduan hobeto sentitzeko baliabide baliagarriak eskaintzen ditu.

Plataforma funtsezko hiru bloketan antolatuta dago:

• Bloke fisikoa: benetako gimnasio birtuala, fisioterapeutek diseinatutako ariketa errazak eta mobilizazio teknikak dituena. Zainduta daudenen mugikortasuna eta autonomia mantentzea edo hobetzea ahalbidetzen dute, eta, aldi berean, zaintzaileen lana errazten dute.
• Bloke somatikoa: aholku argiak eskaintzen ditu elikadura, higienea eta eguneroko ezusteko egoerak kudeatzeko. Zaintzaren eguneroko erronkei konfiantzaz aurre egiteko funtsezko laguntza da.
• Bloke kognitiboa: Aita Menni Ospitalarioetako aditu taldeak eta Deustuko Unibertsitateak egindako 1.500 ariketa interaktibo baino gehiago, memoria, arreta eta beste gaitasun kognitibo batzuk sustatzeko pentsatuak. Proposamen ludikoak dira, zaindutako pertsonarekin une bereziak partekatzeko eta kalitatezko denbora pasatzeko aukera ere ematen dutenak.

Gainera, Zaintza Eskolak baliabide lagungarrien atal oso bat du, informazio erabilgarri gehiagorekin eta zaintzaileak prestatzeko baliabideekin.

Eta zalantzak argitzeko edo kontsultak egiteko, plataformatik zuzenean kontaktatu daiteke Aita Menni Ospitalarioetako talde profesionalarekin.

Bideoa