“Zuk jakitea nahi dut…” gidaren aurkezpena Musakolako Zentroan
Apirilaren 1ean, Arrasateko Musakola auzoko Ospitalarioak Fundazioa Euskadiko Adineko Pertsonen eta Kalte Zerebraleko Eguneko Zentroetako erabiltzaileek, senideek eta langileek aukera izan genuen “Zuk jakitea nahi dut… Nire bizitza modu partekatuan zaintzea planifikatzeko gida” ezagutzeko, zeina Gipuzkoako Esku Hartze Sozialerako Etika Batzordeak landu baitu, Gipuzkoako Foru Aldundiko Zainketa eta Gizarte Politiketako Departamentuaren lankidetzarekin.
Dokumentuak pertsonei lagundu nahi die bizitzarako oso garrantzitsuak diren erabakiak hartzen eta praktikan jartzen, baita beste batzuen mende dauden pertsonei ere, eta aurkezpena Olaia Arana Gipuzkoako Foru Aldundiko gizarte langileak egin zuen. Gida eguneroko bizitzan eta aldaketa uneetan erabakiak hartzen eta hautuak egiten laguntzeko tresna gisa balio du. Halaber, batzuetan adierazten edo tratatzen zailak diren gaiei heltzeko ere balio du.
Eskerrik asko, Olaia, zentrora etortzeagatik eta gogoeta eginarazteagatik zaintzen garrantziaz eta, beste pertsona batzuekin, hau da, modu partekatuan, bizitza plan bat egitearen garrantziaz.
