2025eko Osasun Mentalaren Eguna: arduraz, sentsibilitatez eta konpromisoz zaintzen dugu
Gaur mundu osoan Osasun Mentalaren Mundu Eguna da, 1992an ezarria, osasun mentaleko arazoez kontzientziatzeko, sufritzen duten pertsonek askotan jasan behar duten estigmaren aurka borrokatzeko eta egungo gizartean eragin garrantzitsua duen errealitate bat ikusarazteko.
Ospitalarioak Fundazioa Euskadik osasun mentalaren eta psikiatriaren esparruan lantzen duen jarduera 1898an hasi zen, eta gaur egun bere eginkizun asistentzialaren oinarrietako bat da. Gure erakundeak 262 egoitza plaza eskaintzen ditu gure unitate espezializatuetan, eta 108 errehabilitazio psikosozialeko zentro, eguneko ospitale eta gainbegiratutako pisuetan. Arreta psikogeriatrikoa, era berean, gure jardueraren zati garrantzitsu bat da Adineko Pertsonen lerro asistentzialean, non Ospitalarioak Fundazioa Euskadik 574 ohe dituen egoitzetan, eta eguneko zentroetan 316 arreta plaza eskaintzen ditu.
Gure zerbitzuek suspertze integrala bultzatzen dute arreta maila guztietan eta prozesuaren fase guztietan: prebentzio eta detekzio goiztiarretik, krisi akutuen tratamendu eta epe luzerako laguntzaraino.
Baina gure konpromisoa arreta zuzenetik harago doa. Egunero lan egiten dugu estigmak apurtzeko, gizartea sentsibilizatzeko eta osasun mentaleko arazoak dituzten pertsonekiko errespetu, ulermen eta laguntasun kultura bat sortzeko.
Ospitalarioak Fundazioa Euskadin, osasun mentala zaintzea pertsona bakoitzari bere sendatze prozesuan sostengatzea, entzutea, konfiantza izatea eta laguntzea da. Gure arreta humanizatua gure taldeen bokazioari eta profesionaltasunari esker baino ez posible, horiek ahalbidetzen baitute pertsona bakoitzaren errespetuan, duintasunean eta autonomian oinarritutako arreta.
Osasun Mentalaren Mundu Egunean horien entrega, sentsibilitatea eta konpromisoa eskertu nahi dugu. Gure profesionalek bihotzez lan egiten dute, gure balio ospitalarioek gidatuta, zeinek nortasun ospitalario bakar batean definitzen eta lotzen gaituzten.
Eskerrik asko bihotzez zaintzeagatik. Eskerrik asko Ospitalarioak Fundazioa Euskadi osasun mentala hospitalitatetik bizitzen den leku bihurteagatik, non pertsona bakoitza babestua, ulertua eta baloratua sentitzen den.
Osasun Mentalaren astea
Aste osoan zehar, sentsibilizazioari eta estigmaren aurkako borrokari lotutako jarduerak egin ditugu, bai gure zentroetan, bai espazio publikoetan.
Astelehenean, hilak 6, hasi ginen gure Errehabilitazio eta Dinamizazio Zerbitzuak Arrasateko ospitalean planifikatutako jarduerak erabiltzaileei aurkezten. Ekitaldi aretoan elkartu ginen, asterako prestatutako jarduerak azaldu genituen, eta “mikrofono irekiko” saio bat egin genuen, nahi izan zutenek gaixotasun mentalari lotutako bizipenak, gogoetak eta sentimenduak partekatzeko. Jarduerak espazio seguru eta epaiketarik gabea eskaini zuen adierazpenak egiteko eta beste pertsona batzuei modu aktiboan entzuteko, komunitate zentzua eta elkar zaintzeko konpromisoa indartuta.
Asteartean Santiago Requejoren “Votemos” filma proiektatu genuen areto nagusian, Ospitalarioak Fundazioaren laguntzarekin egina, zeinak, ironiaz eta umorez, bizilagunen elkarte batean gaixotasun mentala duen pertsona bati etxe bat alokatuko diotela jakiten denean sortzen den eztabaida kontatzen duen. Emankizuna estigmari eta bizikidetzari buruzko eztabaida parte hartzaile interesgarri baterako abiapuntu izan zen, osasun mentaleko arazoak dituzten pertsonen bizitzetan oso presente dauden bi elementu izanik. Filma Prime Video ikus dezakezu.
Ostegunean, Ospitalarioak Fundazioa Euskadi eta San Juan de Dios ospitaleetako zenbait erabiltzaile eta langile Garagartza auzoko plazara joan ziren, eta ekitaldi sinboliko bat egin genuen bertan, kanpaina bateratu bat ezagutarazteko, “Ez nazazu etiketatu” lelopean eta #noestigma traolarekin, sareko lanaren balioa eta mezu kolektiboaren indarra azpimarratuz.
Eta gaur, ostirala, gure ahotsa Donostiara helarazi dugu, eta erabiltzaileek eta profesionalek osasun mentalari lotutako instituzio eta erakundeen martxa bateratuan parte hartu dute, eta maiz kolaboratzen dugun Why Not Fundazioaren irrati saio batean ere parte hartu dute.
