“El salón de mi casa” “cat cafe”ra itzuli gara
Txurdinagabarri Egoitzako adinekoak Bilbon buelta bat ematera irten ziren hilaren 5ean, eta “El salón de mi casa” hurbiltzea erabaki zuten, udaletxetik gertu; Euskadiko lehen cat cafea da, eta aisia tarte batez gozatu zuten lokaleko katuen konpainiarekin.
Zerbait hartzen zuten bitartean, kaletik erreskatatu eta aldi baterako hartuta dauden katuak laztanak jasotzera hurbiltzen ziren. Esperientzia oso positiboa izan zen: animaliekiko interakzioak ikusmin handia sortu zuen, berriro ere sozializatzeko eragile gisa duen ahalmena erakutsiz.
Egoitzako beste talde batek dagoeneko bisitatu zuen cat cafea 2023ko apirilean. Orduko hartan, guneak elkarteekin eta adinekoen zentroekin egindako elkarlan baten barruan egin zion harrera Txurdinagabarriko taldeari, animaliekin batera gozatzeko eta erlaxatzeko gune bat eskainiz.
Bisita berri honekin, ohikoa ez den baina egoiliarrek asko baloratzen duten jarduera bat dela egiaztatu dugu, etxeko giroan eta oso atsegina egiten zaien ingurune batean.
