Ospitaleratze unitateak
Egonaldi Ertaineko Unitatea
Akutuen unitateetan, nahasmendu mentala izanik ohikoak baino ospitaleratze aldi luzeagoak behar dituzten eta ohiko egitura psikiatrikoekin sendatzeko zailtasunak dituzten pertsonak artatzen ditugu, bai ingurune anbulatorioan, bai ospitaleratze laburretan.
Egonaldi Luzeko Unitatea
Gaixotasun mental kronikoa duten pertsonak artatzeko zerbitzua da, duten patologiagatik –tratamendurako erregogorra– eta desgaitasun funtzionalagatik, interbentzio terapeutiko eta errehabilitatzaile luzea behar badute.
Gainbegiratze Ertaineko Unitatea
Aita Menni Ospitalean dagoen egoitza unitate bat da, eta etxebizitza partekatu bat da.
Zainketa Berezien Unitatea
Gaixotasun mentaleko patologia larriak dituzten eta ospitaleratze akutuko unitateena baino egonaldi luzeagoa behar duten pertsonentzako ospitaleratze unitatea da, goi mailako gainbegiratze psikiatrikoa, erizaintzakoa eta segurtasunekoa behar badute.
Lege Psikiatriako Unitatea
Lege Psikiatriako Unitateak gaixotasun mental larria duten pertsonak hartzen ditu, ospitale ingurunean eta segurtasun neurririk handienekin, epai judizial batean zehaztutako segurtasun neurri jakin bat betetzeko.
ARRASATE
Aita Menni Ospitalea
Dispositibo eta programa komunitarioak
Pisu komunitarioak
Auzo komunitateetan kokatutako etxebizitzak dira, non nahasmendu mental larria duten pertsona gutxi batzuk elkarrekin bizi diren eta eguneroko bizitza inklusiboa garatzeko beharrezko laguntza terapeutikoa jasotzen duten.
ARRASATE
DONOSTIA
Arreta Komunitarioko Programa
Arreta Komunitarioko Programa nahasmendu mental larria duten
pertsonentzako zerbitzua da; beren bizitza modu independentean
garatzen dute, baina egoera jakin batzuetan laguntza, orientazioa edo
ondoan egotea behar dute.
Errehabilitazio Psikosozialeko Zentroak
Osasun mentaleko sare publikoan integratuta, EPSZak nahasmendu mental larria duten helduen errehabilitazioa eta birgizarteratzea sustatzera bideratuta dauden zentroak dira, haien ingurune sozial hurbilenarekin duten harremana sustatzeko.
Eguneko Ospitalea
Ospitaleratze osoaren eta lehen mailako arreta anbulatorioaren arteko zerbitzua da, gaixotasun mental larria duten baina ospitaleratzerik behar ez duten pazienteak modu intentsiboan artatzeko aukera ematen duena.
ARRASATE
Eguneko Ospitalea
Kanpo kontsultak eta aholkularitza
Balorazio Psikiatriko-Legaleko Unitatea
Gure Balorazio Psikiatriko-Legaleko Unitatea zerbitzu espezializatu bat da, balorazioak eta peritaje psikiatriko-legalak egiteko eta lege arazoei lotutako arazo psikiatriko eta psikologikoetan aholkatzeko, bai eremu judizialean, bai estrajudizialean.
ARRASATE
Aita Menni Ospitalea
DONOSTIA
Aita Menni Neuroerrehabilitazio Zentroa
BILBO
Aita Menni Neuroerrehabilitazio Zentroa
Psikiatriako eta psikologiako kontsultak
Psikiatriako eta psikologiako, trauma osteko psikoterapiako eta balorazio eta peritazio psikiatriko-psikologikoko kanpo kontsultak egiteko zerbitzuak ditugu.
ARRASATE
Aita Menni Ospitalea
DONOSTIA
Aita Menni Neuroerrehabilitazio Zentroa
BILBO
Aita Menni Neuroerrehabilitazio Zentroa
VITORIA-GASTEIZ
Vithas San José Ospitalea
Trauma psikikoaren prebentzioa eta esku hartzea
Langile espezializatuak ditugu bizipen traumatikoen (erasoak, bortxaketak, hondamendiak, suizidio saiakerak, larrialdi psikologikoak…) eta horiei lotutako nahasmenduen (Trauma Osteko Estresaren Nahasmenduak, etab.) lanketa psikoterapeutikoa eta psikofarmakologikoa egiteko. Larrialdien eta hondamendien arloan lan egiten duten profesionalak eta erakundeak prestatzen eta aholkatzen ditugu –Eusko Jaurlaritza, Gurutze Gorria…–, eta krisi egoeretan tokian bertan esku hartzen dugu.
Aholkularitza
Gaixotasun mentala duten pertsonak zentro propioetan edo administrazio publikoetan artatzeaz gain, Ospitalarioak Fundazioa Euskadik beste erakunde batzuetan ere ematen du psikiatriako eta psikologiako kontsulta zerbitzua.
